Mannauðsstjórnun

Ágrip

Tilgangur rannsóknarinnar er að skoða fjárhagsstöðu sveitarfélaga og vinnuumhverfi starfsfólksins í því augnamiði að varpa ljósi á getu þeirra til að veita íbúum sínum lögbundna þjónustu og starfsfólkinu viðunandi vinnuumhverfi. 

Notast er við megindlegt rannsóknarsnið, fyrirliggjandi gögn spurningalistakönnun. Upplýsingar um fjárhag 14 sveitarfélaga voru fengnar af heimasíðu Sambands íslenskra sveitarfélaga (samband.is). Fimm sveitarfélaganna voru flokkuð með veika fjárhagsstöðu. Rafrænn spurningalisti var lagður fyrir allt starfsfólk þessara 14 sveitarfélaga á vordögum 2023. Alls var spurningalistinn sendur til 10.034 einstaklinga og eftir þrjár ítrekanir höfðu 6.124 svarað spurningalistanum að einhverju eða öllu leyti eða 61% starfsfólksins. Konur voru í miklum meiri hluta svarenda eða 82% á móti 18% karla.  

Niðurstöðurnar sýna að á vinnustöðum sveitarfélaga þar sem fjárhagsleg staða sveitarfélagsins er veik mælist meiri streita og kulnun og minni félagslegur stuðningur frá yfirmanni. Hins vegar var minni ánægja með stjórnun vinnustaðarins og einelti mældist hlutfallslega meira á vinnustöðum hjá sveitarfélögum sem flokkuðust með sterka fjárhagslega stöðu. Fjárhagsleg staða sveitarfélagsins hafði hvorki áhrif á starfsánægju eða viðhorf til starfsþróunar.    

Rannsóknin náði aðeins til 14 af 22 sveitarfélögum með 2000 íbúa eða fleiri. 

Niðurstöðurnar veita stjórnendum sveitarfélaga upplýsingar um áhrif fjárhags á vinnuumhverfi og líðan starfsfólks á vinnustað og sýna fram á mikilvægi þessa að stuðla að betra vinnuumhverfi. 

Gott vinnuumhverfi stuðlar að aukinni andlegri og líkamlegri vellíðan á vinnustað.  Niðurstöður þessarar rannsóknar veita mikilvægar upplýsingar til fræðasamfélagsins um vinnutengda líðan starfsfólks í opinbera geiranum í tengslum við fjárhagslega getu skipulagsheildar.  

Lykilorð: Sveitarfélög, vinnuumhverfi, vellíðan í starfi, fjárhagsleg geta 

Ágrip

Tilgangur rannsóknarinnar er að kanna hvernig gervigreindarstýrð persónusniðin námskerfi stuðla að færniþróun og draga úr starfsmannaveltu. Slík kerfi nýta gervigreind til að aðlaga námsefni að þörfum og getu hvers notanda með því að safna og greina gögn um frammistöðu og hegðun. Kerfin bjóða upp á sérsniðnar námsleiðir sem styðja við hraðara nám, betri þátttöku og markvissa starfsþróun. Rannsóknin miðar að því að meta árangur þessara kerfa, greina áhrif þeirra á tryggð starfsmanna og veita hagnýtar leiðbeiningar fyrir mannauðsstjóra. Jafnframt er leitast við að skilja viðhorf starfsmanna og bera kennsl á þætti sem styðja eða hindra innleiðingu kerfanna. 

Rannsóknaspurning þessar rannsóknar er: Hvernig geta gervigreindarstýrð persónusniðin námskerfi bætt færniþróun starfsmanna og dregið úr starfsmannaveltu? Rannsóknin notar blandaða aðferðafræði.  Hún sameinar megindlega greiningu á færniþróun starfsmanna og tölfræði um starfsánægju og starfsmannaveltu, við niðurstöður úr eigindlegri aðferðarfræðigreiningu úr viðtölum við mannauðsstjóra og starfsmenn. 

Rannsóknin er talin leiða í ljós að gervigreindarstýrð persónusniðin námskerfi bæta verulega færniþróun, þátttöku og draga úr starfsmannaveltu. Hún gerir ráð fyrir að bera kennsl á lykilþætti sem hafa áhrif á árangur kerfanna og veita hagnýtar leiðbeiningar fyrir mannauðsstjóra til að hámarka þróun starfsmanna og námsaðferðir. 

Takmarkanir rannsóknarinnar felast í hugsanlegri skekkju vegna sjálfsmats þátttakenda, takmarkaðra aðgengi að gögnum, og almennu yfirfærslugildi niðurstaðna á ólíkar atvinnugreinar og skipulagsheildir.  

Rannsóknin mun veita hagnýtar upplýsingar fyrir mannauðsstjóra til að bæta færniþróun starfsmanna, auka starfsánægju og draga úr starfsmannaveltu með því að nýta AI-stýrð námskerfi á áhrifaríkan og siðferðislega réttan hátt. 

Rannsóknin eykur fræðilega þekkingu á hlutverki AI-stýrðra námskerfa í mannauðsstjórnun, með áherslu á færniþróun og starfsmannaveltu. Hún stuðlar að dýpri skilningi á áhrifum persónusniðins náms og leggur grunn að framtíðarþróun siðferðislegra og árangursmiðaðra lausna í lærdómi og starfsþróun.  

Lykilorð: Mannauðsstjórnun, gervigreind, færniþróun, persónusniðið nám   

Ágrip

Lög um réttindi og skyldur starfsmanna ríkisins nr. 70/1996 tóku gildi þann 1. júlí 1996, við það féllu eldri lög úr gildi sem voru frá árinu 1954 (lög nr. 38/1954). Starfsmannalögin gegna lykilhlutverki í að móta réttindi og skyldur opinberra starfsmanna. Lög þessi taka til hvers manns sem er skipaður, settur eða ráðinn í þjónustu ríkisins til lengri tíma en eins mánaðar. Þegar lögin voru samþykkt árið 1996 höfðu átt sér stað miklar breytingar á starfsumhverfi opinberra starfsmanna, ný starfsmannastefna hins opinbera var kynnt og markmiðið var að gera starfsumhverfi opinberra starfsmanna líkara því sem þekktist í einkageiranum. Nýju lögin leystu 42 ára gömul lög af hólmi.  

Gerð er ítarleg samanburðargreining á núverandi lögum og þau borin saman við sambærileg lög á hinum Norðurlöndunum. 

Á þeim 29 árum sem liðin eru frá setningu starfsmannalaganna hefur margt breyst í stjórnun og mannauðsmálum. Ríkisendurskoðun hefur komið með tillögur að því hverju þarf að breyta s.s, ráðningarvernd starfsmanna, sveigjanleika í ráðningum o.fl. Samtök atvinnulífsins og Viðskiptaráð Íslands segja það vera löngu orðið tímabært að breyta starfsmannalögunum og færa þau nær því sem þekkist á hinum almenna vinnumarkaði. Á það hefur verið bent að starfsmannalögin endurspegli ekki þær breyttu samfélags- og vinnumarkaðslegu breytingar sem hafa orðið undanfarna áratugi. Starfsumhverfi ríkisstarfsmanna hefur breyst mjög hratt með aukinni tæknivæðingu og rafrænum lausnum og meiri krafa er gerð um sveigjanleika og nýsköpun. Í þessari rannsókn er komið með tillögur að því hvaða nauðsynlegar breytingar þarf að grípa til svo þau verði í takt við þær kröfur sem gerðar eru í dag. 

Hér er um samanburðargreiningu á sambærilegum lögum á milli Íslands og Norðurlandanna að ræða. 

Rannsóknin dregur fram á skýran hátt þá þætti sem þarf að huga að varðandi breytingu á lögum um réttindi og skyldur opinberra starfsmanna svo færa megi lögin til nútímalegra horfs með það að markmiði að samræma réttindi og skyldur á milli vinnumarkaða. 

Niðurstöður sýna fram á mikilvægi þessi að breyta lögum um réttindi og skyldur opinberra starfsmanna. 

Lykilorð: Starfsmannalög, réttindi og skyldur, opinber og almennur vinnumarkaður 

Ágrip

This study explores how professionals from culturally diverse backgrounds navigate challenges in boundary management and social connectivity within the Remote and Hybrid (RAH) era. Drawing on boundary theory and cross-cultural organizational behavior, the research highlights the significance of cultural factors in adapting to remote work. 

The study employs a qualitative research approach, utilizing semi-structured interviews with 15 participants from five countries: the United States, Germany, South Korea, Tanzania, and Brazil. These countries were selected to ensure diversity in cultural norms, economic contexts, and technological infrastructures, enabling a comprehensive cross-cultural comparative analysis. 

Key findings reveal significant cultural differences in boundary-setting practices, strategies for maintaining social connections, and the role of technology as both a facilitator and disruptor of work dynamics. Leadership emerges as a critical factor in fostering inclusion and connectivity within distributed teams. 

The study is limited to 15 participants across five countries, providing valuable insights but not representing all cultural contexts. Additionally, technological accessibility and economic conditions may have influenced the findings. 

The research provides insights into how organizations can develop culturally adaptive policies and boundary-management strategies to enhance employee well-being and team cohesion in remote work environments. 

This study introduces a novel perspective on the intersection of cross-cultural factors and boundary management in remote and hybrid work settings. It underscores the importance of strategic leadership and culturally relevant workplace policies in shaping remote work environments. 

Keywords: Remote work, boundary management, social connectivity, cross-cultural organizational behavior, hybrid work dynamics