Gervigreind og leiðtoginn

Á málstofunni verður saga fyrirtækisins Lucinity kynnt út frá hagnýtingu gervigreindar. Fjallað verður um þróun og mikilvægi ábyrgrar stjórnunar gervigreindar og hvaða spennandi tækifæri hún býður upp á í viðskiptum og samfélaginu. Þá verður fjallað um hvernig samvinna við gervigreind hefur áhrif á áherslur og aðferðir leiðtoga. Jafnframt verður kynnt nýtt námskeið MBA náms Háskóla Íslands um gervigreind og leiðtoga. 

Eftirfarandi er dagskrá viðburðar: 

Guðmundur Kristjánsson, CEO, mun flytja erindið „Saga Lucinity“ 

• Fjallað verður um sögu Lucinity og hvernig tækni getur verið þróuð til að efla mannauð, sér í lagi þegar horft er til hagnýtingu gervigreindar

Hafsteinn Einarsson, lektor í tölvunarfræði með erindið „Gervigreind: Þróun, stjórnun og tækifæri“.

• Farið verður yfir þróun gervigreindar, mikilvægi ábyrgrar stjórnunar hennar og hvaða spennandi tækifæri hún býður upp á í viðskiptum og samfélaginu.

Sigrún Gunnarsdóttir, prófessor í Viðskiptafræðideild með erindið „Á hvaða sviðum getur leiðtoginn nýtt gervigreind?“

• Fjallað verðu um hvernig ný sýn á samvinnu manns og gervigreindar hefur áhrif á leiðtoga og á hvaða sviðum gervigreind getur aðstoðað forystuna til að ná enn betri árangri.

Kynning á nýju námskeiði í MBA náminu vorið 2025 þar sem fjallað verður um leiðtogann og gervigreind.

Pallborðsumræður

• Að erindum loknum verður pallborð þar sem Aðalheiður Guðjónsdóttir frá Marel, Guðmundur Kristjánsson forstjóri Lucinity, Adeline Tracz frá Landspítalanum og Hafsteinn Einarsson munu ræða hvernig gervigreindin hefur áhrif á hin ýmsu störf innan fyrirtækja og stofnana og hvernig megi hagnýta hana í starfi.

Dagskrá ráðstefnunnar